口頭承諾未必可靠？有埋對話訊息又夠唔夠？
唔能夠話唔可靠，無就肯定不及一紙合約實際。所謂的合約，即是「佣金回贈確認書」，俗稱「回佣紙」。別以為簽訂回佣紙，佣金便袋袋平安，其實這只是證明了客人有收取金額的權利，紙內細節才是關鍵！正所謂有圖有真相，但究竟回佣紙係咩樣呢？見下圖！
陷阱1: 物業資料及回贈細則要留神
物業資料包括買方和物業名稱及成交價。
回贈細則包括實際回贈比例及支付方式，即是超市禮券還是支票，抬頭人是誰等。
這兩方面一定要寫得清清楚楚！以為一手樓宇明碼實價，買方名稱及物業名稱又難以搞錯，這方面就沒有問題？一樣有古惑！
💡Junto話你知： 由於一手樓買家的次序是以抽籤形式決定，有人話抽中可以優先揀單位，好比中六合彩。所以代理通常會漏空單位編號，先口頭承諾一個回佣比例，再要求客人先簽回佣紙，務求鎖定客戶。
假若之後客戶抽中可優先揀單位，有些無良代理就會藉詞，例如資料不足或上司不認等，要求客戶再簽一張新的回佣紙，同時強行降低回佣比例。如果客人看中某個搶手單位，你時限內買不到便下家自動補上，所以變相等同要硬食無良代理的不公平條款！
推薦入票必睇：【新盤揀樓實戰】抽中咩籌號揀樓在望？抽籤揀樓程序知多少
陷阱２：回贈受制條件
條件之內，主要留意的有兩點：一，發放回佣的時限；二，生效條件。時限方面，例如圖１，發放回佣的時限就寫明待地產代理公司收到發展商的全數佣金後，一個月內就會發放給客人；生效條件方面，需要分別由代理、其直屬主管或以上級別、區域經理及區域董事合共４人一齊簽署及蓋章方能生效。明顯地，這點又是容易出古惑的地方。
💡Junto話你知： 簽名固之然一定要齊，但我地聽得最多的走數情況並非簽名唔齊，而是該回佣紙未得公司批准而不成立，理由是負責簽名的代理同事職位太低，未合資格與客人簽定回佣紙。簡單而言，即是大石砸死蟹，不回佣。呢點好難處理，惟有靠市場自然淘汰，所以找揾有信譽既地產代理公司相當重要！
買新樓常見問題：買新樓代理回佣幾時攞到？點知佣金係幾多？能否提早領取？
陷阱３：回佣紙最好在代理入票前簽定
One last thing! 最重要經代理入票前要簽定回佣紙！萬一你抽中靘籌，介時主導權已落在代理身上，假如其當時提出重新議定回佣比例的話，你唔會放棄難得買心水單位既機會，相信大多只能接受慘遭壓價收場。
💡Junto話你知： 黃子華話齋，參加區議會選舉投票，入票站前受人觸目，離開票站後遭人冷落。人情冷暖，就算同行都係咁話。涉及金錢瓜葛，一定要睇清睇楚先落筆！
而Junto有別於一般的代理，回佣細節白清寫楚簡潔易明，無多層人事架構批核程序，寫明8成至抵樓價回佣絕不反口。我哋會先向你提供具有法律效力的「回贈確認書」，等你確認所有條款，先決定會否經我哋遞交該樓花之認購登記。
當樓盤未開賣，發展商仍未告知代理該盤能提供多少佣金，所以當你經Junto入票時簽定之回贈確認書會寫明佣金回贈比率保障你的權益。
當開賣揀樓後發展商公佈佣金比率，我再簽另一份寫明回贈金額，一切清清楚楚，簡單直接。
假設你不幸遇上回佣爭拗，可以參考Junto建議拆解方法： 【回佣陷阱】佣金有拗撬，賠償點追討？
如對新盤回佣細節有任何疑問或意見分享，歡迎WhatsApp與我們聯絡。
延伸閱讀： 【抽新盤秘技】自己入票更蝕底？同經代理入票有何分別？點樣入票最好？
更多樓花陷阱：【買樓花】慘遇爛尾樓？樓花風險陷阱逐個解！
