真係有前籌？
坊間好多代理都聲稱有前籌，係咪真係可以憑關係幫客人拎到好籌？口講無憑，我哋以過往抽籤結果來分析：
我哋以22年票王NOVOLAND 1A期開賣B組抽籤結果來分析，籌號已掀露前籌比率，各籌號對應代理公司如下：
| 籌號 | 地產代理 | 前110枱客佔* |
| CT字頭 | 🔴C公司 | 38枱客 (76個籌號) |
| ML字頭 | 🟡M公司 | 33枱客 (66個籌號) |
| RG字頭 | 香港地產代理商總會 Junto作為總會會員經此入票 | 3枱客 (6個籌號) |
| RC字頭 | 🔵R公司 | 16枱客 (32個籌號) |
| HK字頭 | 🟢H公司 | 4枱客 (8個籌號) |
可左右移動 👈 👉
*留意該次入票每客可入2票，2個籌號會打孖被抽出所以同一次序有2個票號，只係尾數有分別。我哋再放遠少少，望望入票比率：
| 地產代理 | 前110枱客佔* | 總入票量 | 前籌比率 |
| 🔴C公司 | 38枱客 (76個籌號) | 3,608票 | 2.11% |
| 🟡M公司 | 33枱客 (66個籌號) | 3,198票 | 2.06% |
| 香港地產代理商總會 Junto作為總會會員經此入票 | 3枱客 (6個籌號) | 131票 | 2.29% |
| 🔵R公司 | 16枱客 (32個籌號) | 1,757票 | 1.82% |
| 🟢H公司 | 4枱客 (8個籌號) | 538票 | 1.49% |
可左右移動 👈 👉
各代理公司前籌比率相若，所以一切只係入票比率及抽籤機率問題，跟本冇任何代理可以走後門拎前籌，選用任何代理入票抽中前籌都係相同機率。
2021年星凱．堤岸推售時發生糾紛，傳言有個別地產代理打尖，讓無需親屬關係客戶也可拉籌，消息指ICAC都有插手，此為犯法行為請勿以身犯險。
推薦入票必睇：【新盤揀樓準備攻略】抽中咩籌號揀樓在望？掀開抽籤揀樓流程及6大注意事項
提高中籤機會方法
由於入票都於公平情況下作出抽籤，提高中籤機率可善用4個方法，獲得優先揀樓權，善用親屬資源或分開入票拎多幾個抽籤機會，附帶操作實例：
優先㨂樓以A組入票
絕大部份新盤揀樓時都會分為AB組，例如最近開賣嘅何文田瑜一，A組為大手買家（買3房或2間以上），B組則是散客（只買1間）。A組會較B組優先揀樓，由第2間可以轉名比親友，因此遇到心儀的新盤，可以考慮問問親友會否一齊置業，讓其中一名有意認購親屬一同㨂樓，一齊以A組率先揀樓。
一次過大手買2間豈非要負擔額外印花稅？由於第2間可以轉名，無需一個人消化2個單位。值得留意的睇，有一些發展商為了鼓勵市民入票，令到新盤銷售表現更加好，也會對大手單位設數目上限，或要求大手買家必需買一個大單位，以防出現壟斷情況。
👫 合適人士 資金充裕的投資買家
巧合有直系親屬對該屋苑有興趣
操作實例：
張生有意認購NOVO LAND一個2房單位，得知妹妹Polly想買該屋苑1房單位，2人各自以A組入票。結果妹妹抽得較前籌號，揀樓日帶同關係證明書正本比發展商確認關係，第1間Polly認購，第2間轉名比張生認購，因為2人都只買1間，所以各自無需負擔雙倍印花稅15%。
想入票，咩可以用信用卡？：跟本票入票有咩分別？抽中唔買有冇得唔買退票？
親屬拉籌轉讓籌號
若果發展商例如前排會德豐KOKO ROSSO想谷入票比率，就會准許認購單位可以轉名，即俗稱「拉籌」，你就可以借用你直系親屬，例如父母、哥哥姊姊名義一齊入票，只要其中一個人中靘籌，到時就可以「拉籌」讓其中一名已登記直系親屬一同㨂樓。
操作實例：
Patrick有意認購KOKO ROSSO一個2房單位，雖然父母同哥哥都有名業在身，由於發展商准許以「拉籌」方式入票，Patrick借用父母及哥哥名義，連同自己共4人各自入票。結果父親抽得較前籌號，揀樓日Patrick陪同父親到售樓處，帶同關係證明書正本，證明跟父親為其直系親屬，該籌號就能轉名比Patrick認購，亦無需因為父親無首置額要負擔雙倍印花稅15%。
夫婦分開入票
如果買家是已婚人仕，夫婦每人各自入票，若每人可入2票，最終一對夫婦可抽4票，增加抽中籤機的機會，其中一個中前籌就可以加名以聯名形式認購。如果以這個情況，買家需要準備4張各10萬元的支票或本票。
| 👫 合適人士 | 已婚夫婦 |
| 👍 好處 | 票數增加、增加中籤機會 |
| 💡 注意 | 若只為普通情侶，其中一方認購後不能將另一方加名上物業，操作前雙方要傾清楚 若夫婦聯名認購，日後會缺少一方作為首置人士再次入市，以及樓換樓操作比較麻煩。 |
操作實例：
Peter 及Joyce準備結婚，亦已約好律師安排日子註冊。由於父母壓力需要婚前購入物業，睇中飛揚想入票認購，由於雙方未有物業擁有首置額，2人以個別名義入票增加抽籤機率。
結果Joyce抽中前籌，揀樓日他們向發展商提供已跟律師安排註冊證明，Peter就可以被加名上該物業，雙雙一齊做準業主。
⚠️ 如果夫婦其中一人並無首置額，或已幫親人作擔保人上會，同時發展商唔比拉籌，建議唔好入票，唔肯定應該點入票歡迎WhatsApp與我們聯絡。
延伸閱讀：【新盤按揭2023】呼吸Plan捱貴息？可轉按至波叔Plan自救
延伸閱讀：【換樓攻略】樓換樓須知，甩名、居屋換樓、避免雙倍印花稅等操作竅門！
相信以上咁多種方法總有一個適合你， 希望Junto教大家的各種大法可以大派用場， 祝各位買家都可以抽中籤，買到心儀的樓盤。
如對抽新樓細節有任何疑問或意見分享，歡迎WhatsApp與我們聯絡。
如果你正籌備資金做業主，可以用使用Junto新盤篩選，尋找心儀新盤上車。
買樓花小心回佣陷阱： 【一手樓回佣】小心貪字得個貧，新盤回贈陷阱逐個捉
