【一手樓回佣】小心貪字得個貧,新盤回贈陷阱逐個捉
Junto
【一手樓回佣】小心貪字得個貧,新盤回贈陷阱逐個捉
上車學堂

【一手樓回佣】小心貪字得個貧,新盤回贈陷阱逐個捉

最後更新:2022年09月23日

2021年樓市持續活躍,尤其是一手樓市場,發展商收票收到手軟!剛剛獲批樓花既大圍柏傲莊III,相信情況都係一樣墟冚!個個買新樓,唔通個個都識買新樓咩。一手樓有佣金回贈呢件事,唔知你聽過未?簽左回佣紙都唔一定俾到佣你,你又知唔知點解?今日我地JUNTO,就喺度同大家研究下常見既回佣問題,點樣做個新盤達人!

俗稱既回佣,即佣金回贈。係發展商出佣俾代理,再由代理自行決定俾幾多優惠個客人。唔好以為收回佣唔合法,其實在地產行頭,回佣係受到地產代理監管局監管,所以收回佣係絕對合法,唔收就笨!


這方面無統一標準,由幾百元超市禮劵到六位數字既現金回贈不等,關鍵取抉於當時市場的狀態。

市道不佳,展銷場內鬼影都無隻,代理得閒到賭一分鐘內烏蠅飛過既數目係單定雙;發展商驚貨賣唔去,又唔想做到劈價咁淒涼,就自然調高佣金。所謂「重賞之下必有勇夫」,代理落多兩分嘴頭,回多少少佣俾客人,變相客人單位買平左,發展商又成功套現,三贏!

當然,去到市道暢旺返,展銷場人山人海,代理得閒死唔得閒病,發展商唔愁貨賣唔去,自然降低佣金比例,咁代理收小左,變相回佣就降低返。

延伸閱讀:【買新樓索取回佣被起訴】收取佣金回贈是否犯法?3個方法避免誤墜陷阱


「有冇咁大隻蛤乸隨街跳呀?」梗係無啦,仲有以下幾個陷阱位要留意,一不小心,真係有排煩!

第一,一定要簽回佣紙

上面提過,回佣係受到地產代理監管局規管。既然有規管,就一定要跟足程序處理。當經紀跟客人一旦口頭承諾有佣金回贈後,便需要儘快簽訂俗稱「佣金回贈確認書」的回佣紙,以證明其收取金額的權利。

延伸閱讀:【回佣陷阱】簽咗回佣紙都可以反口?3大要點避免走數爭拗

第二,留意回佣比例

有些無良代理在答應客人佣金回贈,卻沒說明回佣比例;或說明回佣比例後,到交收時就諸多推托,以「公司食水」或「老闆批唔到咁多」等等做藉口,但實情只是想自己多賺一點。另外有代理承諾回佣9成,但其團隊龐大涉及多層人事架構,佣金一層拆一拆,一唸就知佢冇可能只係開空頭支票。

第三,注意發放時間

正常情況下,流程是待買家支付全筆樓價後,發展商才支付該代理的所屬公司相關佣金,然後公司再抽起佣金的固定成數給代理,最後代理才按談好的回佣比例予客人。然而有些無良代理,企圖捉客人怕麻煩的心理,將發放時間不斷推後,或藉口分幾期發放,望最後不了了之,自己可多賺一筆。

正所謂口講無憑,只要白紙黑字寫清寫楚各項回佣細節,同時揾有信譽既地產代理公司,以減少日後口同鼻拗的情況,做個精明的上車達人!

假設你不幸遇上回佣爭拗,可以參考Junto建議拆解方法: 【回佣陷阱】佣金有拗撬,賠償點追討?

如對新盤回佣細節有任何疑問或意見分享,歡迎WhatsApp與我們聯絡

延伸閱讀: 【抽新盤秘技】自己入票更蝕底?同經代理入票有何分別?點樣入票最好?

延伸閱讀:【一手新盤認購攻略】拆解入票程序、抽籤、支付大訂細訂、揀樓、申請按揭等細節

樓花認購嶄新體驗 !極速網上辦妥,兼享樓價回贈高逹2%。經Junto入票無需於登記處排隊,兼承諾至抵樓價回佣, 幫你慳十幾萬甚至幾十萬的嘅買樓開支。

如果你正籌備資金做業主,可以用使用Junto新盤篩選尋找心儀新盤上車。

延伸閱讀:【買樓花】慘遇爛尾樓?樓花風險陷阱逐個解!

一手樓回佣
新盤回贈
樓花
陷阱
相關文章

成立年半已獲眾多客戶支持

Junto作為非一般持牌代理,希望打破地產代理為主導局面,將樓盤交易條款透明化。
我哋跟進嘅專員都經過特別培訓,以客為本絕不推銷,買不買樓由你話事!

Whatsapp查詢